fredag 26. august 2016

Bok 69 2016: "Drapene i Barkvik" av Ingvar Ambjørnsen

Denne boka er ei kriminalbok for ungdom og vaksne, seier vaskelappen. Eg tenkte eg skulle sjå om den passa for ungdomar som ikkje er så vane til å lese, og det gjer den kanskje. Den inneheld noko komplisert språk, og i tillegg ein del referansar som er ute på dato, til dømes om innføring av røykelova. Dette er ikkje positivt for svake lesarar, men for oss andre går det greitt. Boka er dessutan langt meir underhaldande og mindre ute på dato enn bøkene om Pelle og Proffen.

I boka møter vi ein 16 år gamal detektivhelt, og det er noko eg kjenner att frå bøker eg likte som barn og ung. Ambjørnsen skriv godt og bygger opp spenninga på ein underhaldande måte, og her er blod, drap og interessante karakterar. Eg trur eg ville ha likt å lese fleire bøker om Fillip Moberg.

Ingen kommentarer:

Legg inn en kommentar